سر کی خشکی ختم کرنے کے آسان گھریلو ٹوٹکے Anti Dandruff Effective and Easy Home Remedies
سر کی خشکی ختم کرنے کے آسان گھریلو ٹوٹکے
موسمِ سرما
کی آمد کے ساتھ ہی ہرکسی کو سر میں بہت زیادہ خشکی کی شکایت ہوجاتی ہے جس کے لیے
کچھ لوگ تو مہنگے شیمپو بھی استعمال کرتے ہیں مگر انہیں کوئی خاطر خواہ فائدہ نہیں
ہوتا۔
تفصیلات کے مطابق دنیا بھر میں موسمِ سرما
کی آمد آمد ہے، لوگ سردی سے بچنے کے لیے جہاں گرم کپڑے نکال رہے ہیں وہیں جلد کا
خیال رکھنے کے لیے بھی انتظامات کررہے ہیں۔
سردیوں میں جلد اور خصوصاً سر میں خشکی بہت
زیادہ حد تک بڑھ جاتی ہے، لمبے بال رکھنے والے شوقین افراد موسم سرما میں خشکی سے
بچاؤ کے لیے مہنگی احتیاطی تدابیر بھی استعمال کرتے ہیں۔
کیا آپ جانتے ہیں کہ ایسے گھریلو ٹوٹکے
موجود ہیں جن پر عمل کر کے اپنے سر کی خشکی سے چھٹکارا اور بالوں کی خوبصورتی کو
سردیوں میں بھی برقرار رکھا جاسکتا ہے۔
ناریل
کا تیل اور لیموں
ناریل (کھوپرے) کا تیل بالوں کے لیے ویسے
بھی بہت مفید ہے تاہم اگر آپ کو سر میں ہونے والی خشکی سے چھٹکارا حاصل کرنا ہے
تو ایک ٹیبل اسپون تیل لے کر اسے گرم کریں اور پھر ٹھنڈا ہونے کے بعد اس میں لیموں
کا رس شامل کر کے بالوں کا مساج کریں۔ ایسا
کرنے سے بالوں کی چمک برقرار اور خشکی سے چھٹکارا مل جاتا ہے۔
نیم کے
پتے
نیم کے پتوں میں موجود اینٹی بیکٹیریا خشکی
سے لڑنے میں سب سے زیادہ معاون ثابت ہوتا ہے، نیم کے چند پتے لے کر اس کا پیسٹ
بنائیں اور بالوں کو کسی بھی شیمپو سے دھو کر اسے سر پر پانچ منٹ کے لیے لگائیں۔
بعد
ازاں سر کو پانی سے سر دھولیں، ایسا کرنے سے نہ صرف آپ کے سر
کی خشکی ختم ہوگی بلکہ بال مزید گھنے، سیاہ اور تیزی سے لمبے ہوں گے۔
کھانے
کا سوڈا
کھانا پکانے کے لیے استعمال ہونے والا سوڈا
سر اور جلد کی خشکی کے مسائل کو حل کرنے کی صلاحیت رکھتا ہے اگر آپ بالوں کی خشکی
کو ختم کرنا چاہتے ہیں تو ایک برتن میں پانی لے کر اس میں سوڈا محلول کرلیں پھراس
پانی کو اپنے بالوں پر وقفے وقفے سے ڈالیں۔
نوٹ: جلد یا سر کی بیماریوں
میں مبتلا افراد ٹوٹکے استعمال کرنے سے قبل اپنے طبیب سے ضرور مشورہ کریں
